Министрлер кабинетинин төрагасы Адылбек Касымалиев Дүйнөлүк банктын Борбор Азия боюнча регионалдык директору Татьяна Проскурякова баштаган делегация менен жолугушту. Бул тууралуу өкмөттүн маалымат кызматы кабарлады.

Жолугушууда өкмөт башчы Дүйнөлүк банктын өкүлдөрү менен Камбар Ата-1 ГЭСин куруу долдбоорун талкуулашкан.

Мындан тышкары Дүйнөлүк банк тарабынан бюджеттик колдоого ээ айрым маселелерди, инвестициялык климатты жакшыртуу боюнча сунуш-пикирлерди сүйлөшүшкөн.

Жолугушууда Татьяна Проскурякова Кыргызстанды Тажикстан менен чек араны тактоонун ийгиликтүү аяктаганы менен куттуктаган. Ошондой эле Кыргызстан менен кызматташтыкты мындан ары да тереңдетүүгө кызыктарлыгын билдирген.