Бишкекте окуучу кызды зордуктоого шектелип, милиция кызматкери кармалды. Бул тууралуу Бишкек шаардык ИИБи билдирди.

Маалыматка ылайык, 11-декабрда Свердлов райондук милициясына Коомдук коопсуздук кызматынын Балдар менен иштөө бөлүмүнүн башчысы тарабынан жазуу жүзүндөгү кайрылуу түшкөн. Анда Бишкектеги мектептердин биринин 8-классынын окуучусу ушул жылдын ноябрь айынын аягында милиция кызматкери менен жакын мамиледе болгонун билдиргендиги көрсөтүлгөн.

Бул факты боюнча Кылмыш-жаза кодексинин «Зордуктоо» беренеси менен кылмыш иши козголгон.

Жүргүзүлгөн иштердин натыйжасында милиция кызматкери кармалып, соттун чечими менен №1 тергөө абагына (СИЗО-1) камакка алынды. Учурда тергөө иштери улантылууда.