Парижде өтүп жаткан Олимпиада оюндарынын экинчи күнүндө Кыргызстандан бир спортчу чыгат.

Кубанычбек Айбек уулу 66 килограммга чейинки салмак ченинде медаль үчүн күрөшөт. Дзюдо боюнча мелдеш Бишкек убактысы боюнча саат 14:00дө башталат.

Кыргызстандык спортчу 1/16 финалдан баштайт, анын атаандашы украиналык Богдан Ядов болмокчу.

Белгилей кетсек, 26-июлдан 11-августка чейин созула турган Олимпиада оюндарында 200дөн ашык өлкөдөн 10 миңден ашык спортчу күч сынашат. Париж-2024 мелдешинин программасына спорттун 45 түрү киргизилген. Анда 329 медалдардын топтому ойнотулат.

Кыргызстандын атынан Олимпиадага 16 спортчу сууда сүзүү, спорттук күрөш, жеңил атлетика, дзюдо жана бокс боюнча мелдештерге чыгышат.

Биздин Телеграм каналга катталыңыз