Валентина Терешкованын ысымын алган мектеп-интернаттын жаңы имаратын ачуу аземинде Министрлер кабинетинин төрагасы Адылбек Касымалиев президенттен өлкө аймагындагы социалдык объекттерди бир учурда ачууга уруксат сураган.

Мамлекет башчы уруксат бергенден кийин өлкөнүн ар кайсы аймактарында 58 мектеп, 19 бала бакча, 9 саламаттык сактоо мекемеси, 12 спорттук жана башка социалдык объектилер пайдаланууга берилди.