Бишкекте 5-апрелден 1-октябрга чейин оор жүк ташуучу унаалардын шаар ичинде жүрүүсүнө чектөө киргизилди. Бул тууралуу мэриядан билдиришти.
Салмагы 18 тоннадан ашык жүктү ташуучу транспорт саат 7:00дөн 21:00гө чейинки аралыкта муниципалдык жолдо жүрө албайт.
Чектөөнүн төмөнкү жүк ташуучу унааларга тиешеси жок:
— гуманитардык жардам жана тез бузулуучу тамак-аш азыктарын ташыгандарга;
— Мэрия тарабынан автомобиль жолдорун куруу, оңдоо боюнча иштерди аткаруу үчүн тартылгандарга;
— Муниципалдык тапшырыктын негизинде жүк ташып бара жаткандарга.
Белгиленген талаптарды бузган учурда укук бузуучулар КРнын «Укук бузуулар» жөнүндө кодексинин 181-беренесине ылайык жоопкерчиликке тартылат.
Биздин Телеграм каналга катталыңыз
