Орусияда кыргызстандык такси айдоочусун атып кетти. Бул туурасында социалдык тармактарда маалыматтар жайылды.

Алдын ала маалыматтарга караганда,  Москва шаарынын Большая Садовая көчөсү менен Тверская Заставанын ортосунда окуя болгон. Кадиллактын айдоочусу окту жаңжалдашкан адамга каратып аткан. Андан кийин ал окуя болгон жерден качып кеткен. Жабырлануучу шаардык ооруканага жеткирилген. Шектүү  кармалган, ал 43 жаштагы Дмитрий Махалов экени айтылууда. «112»-Telegram каналы такси айдоочусунун айдоо стили жакпай калганын жазды.

Айрым маалыматтарга караганда, Малахов унаадан чыгып, 34 жаштагы Алманбет Абдрахманов менен мушташып, травматикалык тапанчасын алып чыгып, бир нече жолу ок чыгарган.

Азыр окуя болгон жерде полиция иштеп жатат.