Ош эл аралык аэропортунда жүзүн толук жаап жүргөндүгү үчүн 3 аялга 20 миң сомдон айып пул салынды. Бул тууралуу Ош облустук милициясынны басма сөз кызматы билдирди.

Маалыматка ылайык, учурда аэропортто Умрадан кайткан зыяратчыларды тосуп алуу үчүн келген жарандар көп болуп, алардын арасынан жүзүн толук жаап алгандар көзөмөл камераларына түшүүдө. Мындай жарандарга тартип сакчылары тарабынан айып пул салынууда.

Белгилей кетсек коомдук жайларда жүзүн толугу менен жашырып жүргөн жарандарга Укук бузуулар жөнүндө кодексинин 127¹-беренесинин негизинде 20 миң сом айып пул салынат.