Кара-Суу шаарындагы «Оомат» базарынын сатуучулары контейнерлердин ижарасын мөөнөтүн узартуу үчүн баасын кескин кымбататтып жибергенине нааразы болушкан. Алардын 30га жакыны райондук администрациянын алдына чыгышкан.
Азаттыкка берген маалыматтарына караганда, базарга жаңы кожоюн келген. Ал 5 жылга ижара акысын узартуу үчүн 5 миң АКШ долларын сурап жатыптыр.
Нааразы тарапты Ош облусунун өкүлчүлүгү жолугуп, талаптарын угуптур. Ошондой эле соодагерлер күч органдарына кайрылып жатканы маалым болду.
Кара-Суудагы базар Борбор Азиядагы эң чоң соода аймактарынын бири. Кыргызстанда «Дордойдон» кийинки орунда турат. Аянты 24 гектар. Курамында 20дан ашык жеке менчик жана муниципалдык базарлар бар.
Бул митингди Т-Медиа түз эфирден көрсөткөн.
