Ош шаарында Улуу Жеңиштин 81 жылдыгына карата мурунку Хохлова көрүстөнүнүн аймагына «Эскерүү аллеясы» түзүлдү. Бул тууралуу Ош мэриясы билдирди.

Иш-чаранын алкагында 81 даана ак кайың көчөтү отургузулуп, эскерүү тактайчасы орнотулду.

Бул иш-чараны шаардык мэрия, Орусиянын Ош шаарындагы Башкы консулдугу жана «Орус үйү» биргелешип уюштурган.

Иш-чара Улуу Ата Мекендик согушта курман болгон баатырларды эскерүүгө, алардын эрдигин даңазалоого жана тарыхый мурасты кийинки муундарга жеткирүүгө багытталган. Ага шаар жетекчилиги, дипломатиялык өкүлдөр жана коомчулуктун өкүлдөрү катышты.

Эске салсак, буга чейин шаардын Э. Алиев көчөсүндө жайгашкан Хохлова көрүстөнүндө рекультивациялоо жумуштары жүргүзүлүп, анын ордун жашыл аймакка айландыруу пландалган.