УКМК Ош облусунун аймагында баңги каражатын жана башка күчтүү таасир этүүчү заттарды сатуу менен алектенген топтун ишмердүүлүгүнө бөгөт коюлганын билдирди.

Атайын кызматтын маалыматында, 12-майда Ош шаарында баңги каражаттарын сатып жаткан учурда 62 жаштагы К.М.М. жана 33 жаштагы К.Б.М. аттуу жарандар кармалган.

Бул факт боюнча Кылмыш-жаза кодексинин «Сатуу максатында баңги каражаттарын, психотроптук заттарды жана алардын аналогдорун мыйзамсыз даярдоо» беренеси менен кылмыш иши козголгон.

Кармалгандар УКМКнын тергөө абагына киргизилген. Учурда тергөө иштери жүрүүдө.