Ош шаардык соту Гүлбаранын (аты редакция тарабынан өзгөртүлдү) кылмыш иши боюнча чечим чыгарды. Бул тууралуу аталган соттон маалымдашты.

Гүлбара, 1978-жылы туулган, эки балалуу, учурда эч жерде иштебейт.

Ага Оштогу «Этас» мейманканасынын жанында сойкукана иштеткен деген айып тагылууда. Ал милиция кызматкерлери тарабынан ушул жылдын февраль айында кармалган.

Айыпталуучунун айтымында, Гүлбара 2012-жылдан бери сойкулук менен алектенип келген. Ал “Этас” мейманканасынын жанында иштеген. Ал абакка кесүүнүн ордуна, пробация (коомдук жумуштарга кесүүнү) көзөмөлүн дайындоону суранган.

Натыйжада, сот аны күнөөлүү деп таап, 3 жылга эркинен ажыратуу өкүмүн чыгарган. Анын 2 жылын абактан сырткары коомдук жумуштарга кесилди.