Ош шаарында өрттөнүп кеткен көп кабатуу үйдө тазалоо иштери бүтүп, чатырын жабуу иштери башталды. Бул тууралуу Ош мэриясы билдирди.

Маалыматка ылайык, курулуш иштерин мэр Жеңишбек Токторбаев көзөмөлдөөдө.

Эскерте кетсек, 19-октябрда, Ош шаарынын Маматисаков көчөсүндө жайгашкан 13 кабаттуу үйдө өрт чыгып, 6 батир күйгөн. Өрттөн жалпысынан 1800дөн ашык чарчы метр жер күйүп кеткен.

Мэр күйүп кеткен үйлөрдү президенттин тапшырмасы менен Ош шаарынын мэриясы калыбына келтирерин билдирген.