Ош шаарында «Тилемчи» аталышындагы рейддик иш-чара өтүп, анын жүрүшүндө бир катар мыйзам бузуу учурлары аныкталды. Бул тууралуу Ош ОИИББ кабарлады.

Ак-Буура милиция бөлүмүнүн жашы жете электер менен иштөө инспекциясынын кызматкерлери жүргүзгөн рейдде 14 административдик укук бузуу фактысы катталып, тиешелүү протоколдор түзүлдү.

Мындан тышкары, ата-энеси тарабынан тилемчиликке мажбурланган 6 өспүрүм убактылуу балдар үйүнө жайгаштырылып, социалдык коргоо кызматтарына 10 маалыматтык кат жөнөтүлдү.

Милиция кызматкерлери тилемчиликке тартылган жарандардын жашаган аймактарында түшүндүрүү иштерин жүргүзүп, мыйзамдагы жоопкерчиликтер тууралуу эскертүү беришти.