Ош облусунда туристтер үчүн жаңы велоспорт, треккинг жана ат минүү багытындагы үч туруктуу маршрут ачылмакчы. Бул демилге “Дестинация Ош” коомдук бирикмеси тарабынан Швейцария өкмөтүнүн колдоосу менен ишке ашууда.

Маршруттар Мурдаш, Кожо-Келен, Кыргыз-Ата жана Кара-Шоро сыяктуу кооз, бирок көпчүлүккө белгисиз аймактарды камтыйт. Жаңы турлар экологиялык тазалыкка, жергиликтүү элдин катышуусуна жана маданий мурастарды сактоого басым жасайт.

Каттамдар Өзгөн, Кара-Суу, Ноокат жана Алай райондорун камтыйт. Долбоор 2025-жылдын 20-октябрына чейин бүткөрүлүшү күтүлүүдө.