Жаратылыш ресурстары, экология жана техникалык көзөмөл министрлигинин аймактык башкармалыгы Ысык-Көл көлүн таштанды жана торлордон тазалоо иштерин улантууда. 11-октябрда өткөн рейддин жыйынтыгында көлдөн 4 миң 300 метр синтетикалык тор жана 70 килограмм таштанды чыгарылды.

Министрлик мындай торлор сууда жашаган жандыктарга жана балыктарга зыян келтирип, көлдүн экосистемасын бузарын белгиледи.

Аталган аймакта биологиялык ар түрдүүлүктү сактоо, суу ресурстарын коргоо жана браконьерликке каршы күрөшүү боюнча иш-чаралар улантылары айтылды.