Ош шаарында «Түштүк Экспо-2026» жарманкеси өтүп жатат. Эки күнгө созула турган иш-чарада жергиликтүү өндүрүүчүлөрдүн, дыйкан-фермерлердин, кол өнөрчүлөрдүн жана чет өлкөлүк ишкерлердин продукциялары коюлду. Бул тууралуу шаар мэриясы билдирди.

Көргөзмөгө Ош шаарынан жана облустун райондорунан келген дыйкандардын айыл чарба азыктары чыгарылууда. Ата мекендик өндүрүшчүлөр менен катар Казакстан, Кытай, Орусия жана башка мамлекеттерден келген ишкерлер өз товарларын тартуулашууда.

Иш-чара Кыргызстанда сентябрь айынын акыркы жумасында белгиленүүчү Органикалык айыл чарбасынын улуттук күнүнүн алкагында уюштурулду.