Ош шаарынын А.Навои көчөсүндөгү борбордук базар бир айдан кийин 20-февралда жабылат. Бул тууралуу мэриядан билдиришти.

Шаар бийлигинин маалыматы боюнча, 20-январда ишин токтото турган базар соодагерлердин суранычы менен бир айдан кийин жабыла турган болду.

Эми соодагерлер 20-февралга чейин Б.Осмонов көчөсүндө салынган жаңы муниципалдык борбордук базарга көчүп барышы керек.

Эскерте кетсек, буга чейин мэрия борбордук базар 20-январда жабыларын, ал жакта электр энергиясы, таза суу жана башка коммуналдык тейлөөлөр токтотуларын кабарлаган.