Ош облусунун айылдарында бодо малды жасалма жол менен уруктандыруучу 34 жаңы пункт жабдуулар менен толук камсыздалды. Бул тууралуу Айыл чарба министрлиги билдирди.

Маалыматка ылайык, бул иштер Дүйнөлүк банктын «Туруктуу агрокластерлерди өнүктүрүү» долбоорунун алкагында жасалууда. Министрлик жана Агробизнестин атаандаштыкка жөндөмдүүлүгү борбору (ААК) тарабынан өлкө боюнча жалпы 160 комплект жабдуу каралып, анын 34ү Ош облусуна берилген.

“Бир комплекттин баасы 37 500 сомду түзүп, жалпы 160 комплект үчүн 6 миллион сом сарпталды. Жабдуулар айыл өкмөттөрдүн балансына өткөрүлүп, тиешелүү адистерге берилет”,- деп айтылат маалыматта.