Өтмөк ашуусу аркылуу жол жүрөм деген жарандар этият болушу керектигин Талас облустук ички иштер башкармалыгы эскертүүдө.

Анткени, аба ырайынын кескин өзгөрүшү менен тоолуу аймактарда жолдор тайгак болуп, жол кыймылына тоскоолдук жаратышы мүмкүн.

Милиция жол кырсыктарын жана тыгындарды алдын алуу үчүн айдоочуларга автоунаанын дөңгөлөгүнө чынжыр тагып, ылдамдык азайтып, аралыкты сактоого чакырууда. Ошондой эле  коопсуздук эрежелерин сактоого үндөөдө.