Кыргызстанга жумушчу сапар менен келген Өзбекстан Республикасынын президенти Шавкат Мирзиёевди «Манас» эл аралык аэропортунан тосуп алышты. Аба майданынан коңшу мамлекеттин лидерин Министрлер кабинетинин төрагасы Адылбек Касымалиев тосуп алды.

Шавкат Мирзиёев ШКУга мүчө мамлекеттердин башчыларынын кеңешинин жыйынына, «ШКУ плюс» форматындагы саммитке жана VI Дүйнөлүк көчмөндөр оюндарынын ачылыш аземине катышат. Келгенден кийин кадырлуу конокко Оюндардын тумарына айланган ак илбирстин жумшак оюнчугу түрүндөгү эстелик белек тапшырылды.