Ош облусунун Өзгөн районунда 29 жаштагы жаран акча уурдоого шектелип кармалды. Бул тууралуу облустук милициядан билдиришти.
Маалыматка караганда, 18-сентябрь күнү райондук милицияга 51 жаштагы Б.Э. аттуу жаран кайрылып, батирине белгисиз жаран кирип, 50 миң сом акчасын уурдап кеткенин билдирген.
Бул окуя боюнча Кылмыш кодексинин 205-беренесинин (уурдоо) негизинде кылмыш иши козголуп, тергөө иштери башталган.
16-ноябрда аталган кылмышка шектүү катары Кара-Кулжа районунун 29 жаштагы С. А. уулу аттуу тургуну кармалып, убактылуу кармоочу жайга камакка алынган.
Учурда шектүүнүн башка кылмыш иштерине катыштыгы бар же жок экендиги текшерилүүдө. Тергөө ууланууда.
Биздин Телеграм каналга катталыңыз
