.svg){kind=logo}
IT-компаниялар Кыргызстандан келген студенттерге кызыкдар — «Касперский лабораториясы»Жапаровдун АКШдагы сапары: Кыргызстанда америкалык “Ситибанктын” филиалын ачуу меселеси каралдыКыргыз-кытай чек арасы убактылуу жабылатБишкектин Калыс-Ордо конушуна 650 орундуу жаңы мектеп салындыКытай менен чек арадагы көпүрө Кыргызстанга болжол менен $1 млн чыгым болушу мүмкүнБазар-Коргондо лицей окуучуларына мыйзамсыз аттестат берилген. Башкы прокуратури иш козгоду
Өзгөндө күрүч таңгактоочу логистикалык борбор ачылды
07.06.2026 | 11:36
Өзгөн районунун Төрт-Көл айыл аймагында күрүч таңгактоочу жаңы логистикалык борбор ишке кирди. Ал суткасына 5 тонна күрүчтү тазалоого жана вакуумдук таңгактоого ылайыкталган. Президенттин Ош облусундагы өкүлчүлүгүнүн маалыматында, бул ишкана дыйкандарга өндүрүлгөн күрүчтү даяр продукция катары рынокко чыгарууга шарт түзөт.
Борбордун ачылыш аземине президенттин облустагы өкүлү Аманкан Кенжебаев жана район акими Каныбек Апбасов катышты.
Объектинин курулушу 2025-жылдын августунда башталып, аны «Сансызбай» ЖЧКсы жүргүзгөн. Долбоордун жалпы баасы 14 млн 790 миң 786 сомду түзгөн. Каражаттар төмөнкү тараптардан бөлүнгөн:
- Ош облусун өнүктүрүү фонду — 10 млн 225 миң сом;
- Өзгөн районун өнүктүрүү фонду — 2 млн 565 миң сом;
- Жергиликтүү бюджет — 2 млн сом.
Ошондой эле АРИСтин CASA-1000 долбоорунун алкагында борборго 6 млн 800 миң сомдук заманбап жабдуулар орнотулган.
