6-июнда Бишкек шаарындагы Дөлөн Өмүрзаков атындагы стадиондо Кыргызстандын жана Палестинанын улуттук курама командаларынын ортосунда жолдоштук беттеш өттү. Оюнга президент Садыр Жапаров барды.

Мамлекет башчысы менен бирге беттешти Жогорку Кеңештин төрагасы Марлен Маматалиев жана Министрлер кабинетинин төрагасы Адылбек Касымалиев көрүштү.

Тараптардын беттеши 0:0 эсебинде аяктады. Эки команданын ортосундагы экинчи оюн 9-июнга белгиленген.

Белгилей кетсек, оюн ФИФАнын июнь айындагы күндөрүнүн жана Азия Кубогу-2027ге карата даярдыктардын алкагында уюштурулду.