Нарын облусундагы «Торугарт» көзөмөл пунктунда Кытай аркылуу Пакистандан ташылып келе жаткан 21,8 тонна уй эти өлкөгө киргизилген жок. Бул тууралуу Айыл чарба министрлиги билдирди.

Жүк Чек ара ветеринардык көзөмөл пунктунун инспекторлору тарабынан текшерилип, анда ЕАЭБдин ветеринардык-санитардык талаптары сакталбагандыгы аныкталган. Тактап айтканда, жүккө тиешелүү ветеринардык коштоочу документтер туура эмес болуп чыккан, ошондой эле жүктү ташуу учурунда ветеринардык-санитардык эрежелер бузулган.

Мындан улам жүктү кайра артка жөнөтүү чечими кабыл алынган.