15-октябрда саат 10:00дөн 20:00гө чейин Бишкек шаарынын айрым аймактарында ичүүчү суу берүү токтотулат. Бул тууралуу Бишкек мэриясы билдирди.

Суу өчүрүлө турган аймак Балтагулов көчөсү, Юдахин көчөсү, Алтымышев көчөсү, Бакаев көчөсү жана Ч. Айтматов проспектисинин батыш тарабы менен чектелет. Чектөө турак жайларга, билим берүү жана саламаттыкты сактоо мекемелерине, ошондой эле өнөр жай объектилерине тиешелүү.

Сууну берүү диаметри 300 мм болгон суу түтүгүндө оңдоо иштерин жүргүзүүгө байланыштуу токтотулат.

«Бишкексууканал» ишканасы жашоочулардан жана уюмдардан ичүүчү сууну алдын ала камдап алууну өтүнөт.