Кыргызстандын Россиядагы элчиси Кубанычбек Бөкөнтаев Россиянын Борбордук шайлоо комиссиясынын төрагасынын орун басары Н.Булаев жана жетекчилиги менен жолугушту.

Элчиликтин маалыматы боюнча, жолугушууда Кыргыз Республикасынын Жогорку Кеңешинин депутаттарын мөөнөтүнөн мурда шайлоону Россиянын аймагында уюштуруу маселелери талкууланды. Элчи Бөкөнтаев 31 шаарда 40 шайлоо участкасынан турган уюштуруу иштери боюнча маселелерди карады.

Ошондой эле Россиянын аймактарындагы шайлоо комиссияларынын жетекчилери менен видеоконференция форматында биргелешкен кеңешме өткөрүлдү.

Жыйынтыгында россиялык тарап Кыргызстандын мөөнөтүнөн мурда өтө турган Жогорку Кеңештин шайлоосун уюштуруу жана ийгиликтүү өткөрүүгө зарыл жардам көрсөтөрүнө ишендирди.