Бүгүн, 5-февралда Жогорку Кеңеште вице-премьер-министр кызматына Эркин Асрандиевдин талапкерлиги каралып жатат. Аны өкмөт башчы Мухаммедкалый Абылгазиев депутаттарга тааныштырды.

«Асрандиевдин тажрыйбасы жетиштүү деп ойлойм. ЕАЭБ тармагында сүйлөшүүлөргө дарамети жетет», – деди Абылгазиев.

Асрандиевдин талапкерлигин кечээ, 4-февралда Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети жактырган.

Асрандиевдин талапкерлиги экономикалык тармакты тейлеген Замирбек Аскаровдун ордуна каралууда.