Парламенттик шайлоонун жыйынтыгына нааразы болгон партиялардын Ала-Тоо аянтындагы митинги башталды.

Азырынча “Социал-демократтар” партиясынын гана 30-40тай мүчөсү чогулуп, митингди баштап жатат. Аталган партиянын лидерлеринин бири Темирлан Султанбеков шайлоо таза өтпөгөндүгүн айтып, кайра башынан өткөрүүнү талап кылышарын билдирди.

“Шайлоо таза өткөн жок, фальсификация, бурмалоо ошондой эле криминалдар аралашты. Бул таза эмес шайлоону башынан өткөрүүнү талап кылабыз. Учурда оппозиция биригүүгө бара жатабыз, башка партиялар менен да сүйлөшүүлөр жүрүүдө”, – деди Султанбеков.

Белгилей кетсек, кечээ, 4-октябрда өткөн Парламенттик шайлоодо утулган бир нече партия аны таануудан баш тартып, бүгүн борбордук аянтка митинге чыгышарын билдиришкен.