2026-жылдын беш айында прокуратура органдары салык кызматтары тарабынан ишкерлердин укуктарынын системалуу түрдө бузулуп жаткандыгын аныкташты. Мониторингдин жүрүшүндө КР Укук бузуулар жөнүндө кодексинде эскертүү түрүндөгү гана жаза каралган учурларда, мыйзамсыз акчалай айып пул салуунун 105 фактысы аныкталган.

Салык инспекторлору мыйзам ченемдерин көз жаздымда калтырып, акчалай өндүрүү чараларын колдонуу менен бизнеске болгон каржылык жүктөмдү негизсиз көбөйтүшкөн. Прокурордук текшерүү кызмат адамдары өздөрүнүн ыйгарым укуктарынан ашыкча пайдаланып, ишкердик субъекттерин жоопкерчиликке тартуунун белгиленген тартибин бузгандыгын тастыктады.

Көрүлгөн прокурордук чаралардын жыйынтыгында 51 кызмат адамы тартиптик жоопкерчиликке тартылып, аларга айып пул салынды. Башкы прокуратура ишкерлердин укуктарын ыкчам коргоо үчүн бардык аймактык бөлүмдөрдө «Бизнести коргоо» мобилдик тиркемеси жана күнү-түнү иштеген ишеним телефондору бар экенин эскертет.