Бишкекте Аскер прокуратурасы жана ИИМдин Ички иликтөө кызматы тарабынан милиция кызматкери кыйноо жана пара талап кылуу фактылары боюнча кармалды. Бул тууралуу Башкы прокуратуранын маалымат кызматы билдирди.

Кармалган милиционер С.А. Октябрь райондук ички иштер башкармалыгында ыкчам кызматкер болуп иштейт. Ал 2024-жылы сентябрда өзүнүн кесиптештери менен бирге эки жаранды (К.А. жана А.Н.) кыйноого алып, кылмыш жоопкерчилигинен бошотуу үчүн 500 миң сом талап кылган деп шектелүүдө.

Учурда бул ишке тиешеси бар башка милиция кызматкерлерди аныктоо иштери жүрүүдө.