Прокурор Кемпир-Абад иши боюнча айыпталуучулардын ар бирин 20 жылга эркинен ажыратууну сурады. Бул тууралуу айыпталуучулардын бири Рита Карасартова билдирди.

Белгилүү болгондой, бул иш боюнча 20дан ашык киши кармалып, иши Биринчи май райондук сотунда каралууда.

Кемпир-Абад иши боюнча айыпталуучулар:

1. Али Шабдан
2. Гүлнара Журабаева
3. Асия Сасыкбаева
4. Эрлан Бекчороев
5. Жеңиш Молдокматов
6. Равшан Жээнбеков
7. Рита Карасартова
8. Клара Сооронкулова
9. Перизат Суранова
10. Улугбек Маматаев
11. Таалай Мадеминов,
12. Чыңгыз Капаров
13. Айбек Бусурманкулов,
14. Нурлан Асанбеков
15. Атай Бейшенбек
16. Айданбек Акматов
17. Марат Баязов
18. Акыл Айтбаев
19. Кеңешбек Дүйшөбаев
20. Бектур Асанов
21. Кубанычбек Кадыров
22. Азимбек Бекназаров
23. Мамбетжунус Абылов
24. Илгиз Шаменов

Эскерте кетсек, 2022-жылы октябрда кыргыз-өзбек чек арасындагы Кемпир-Абад суу сактагычынын коңшу мамлекетке берилишине каршы чыккан 20дан ашык активист, саясатчылар кармалган. Аларга милиция “массалык башаламандыктарды уюштурууга даярдануу” беренеси менен айып таккан.

Аталган иш эл арасында “Кемпир-Абад иши”, кармалгандар “кемпир-абадчылар” деп айтылып келет.