Орусия президент Владимир Путиндин украиналык кесиптеши Владимир Зеленский менен жолугушуусунан баш тартпайт. Мындай билдирүүнү Кремлдин расмий өкүлү Дмитрий Песков 13-майда журналисттердин суроолоруна жооп берип жатып билдиргенин РИА Новости жазды.
Президенттин басма сөз катчысы, мындай жолугушуу алдын ала даярдалышы керектигин билдирди.
“Мындай жолугушууга даярдык тиешелүү документти иштеп чыгуунун негизинде жүрүшү керек. Андан кийин гана жогорку деңгээлде ишке ашышы керек”, — деди Песков.
