«Рабочий городок» конушунун Асаналиев көчөсүндө бетон мамы жанындагы үйдүн тарапка кыйшайып, кулап калышы мүмкүн. Бул тууралуу окурман билдирип, «Элдик репортер» рубрикасына ошол мамыны көрсөтүлгөн видеосун жөнөттү.

Посмотреть эту публикацию в Instagram

Публикация от Reporter.kg (@reporter_kg)

Анын айтымында, азыр мамы зымдардын жардамы менен гана туруп турат. Ал 2025-жылдын октябрында тротуарларды реконструкциялоо маалында орнотулган.

«Бул жерде столбдорду жана зымдарды алмаштырышкан, ал эми бул мамы дээрлик дароо эле кыйшая баштаган», — деп билдирди окурман.

Ошондой эле ал тургундар мэрияга жана «Бишкектеплоэнерго» муниципалдык ишканасына кайрылышканын, бирок бүгүнкү күнгө чейин жооп алышпаганын кошумчалады.