Бишкек шаарында балдарды реабилитациялоого жана социалдык адаптациялоого багытталган «Дарика» адаптивдүү спорт борбору ачылды. Бул тууралуу Бишкек мэриясы билдирди.

Борбор аутизм, балдардын церебралдык шал оорусу (БЦШ), Даун синдрому жана өнүгүүсүндө өзгөчөлүктөрү бар балдардын адаптивдүү спорт менен машыгуусуна жана физикалык мүмкүнчүлүктөрүн өнүктүрүүсүнө шарт түзүү максатында иштейт.

Мекеменин ишин уюштуруу үчүн Түркиядан реабилитация жана өзгөчө муктаждыктары бар балдар менен иштөө боюнча 24 жылдык кесиптик тажрыйбасы бар адис Дарика Ажар чакырылган.