Министрлер кабинетине караштуу Жарандык авиация мамлекеттик агенттиги Эл аралык жарандык авиация уюмунун (ИКАО) миссиясынан ийгиликтүү өттү. Текшерүү 2026-жылдын 30-сентябрынан 7-октябрына чейин жүргүзүлүп, олуттуу эскертүүлөр аныкталган жок.

Миссия координацияланган валидация (ICVM) форматында өткөрүлдү. ИКАО эксперттери Кыргызстанда учуулардын коопсуздугуна мамлекеттик көзөмөл жүргүзүүнүн натыйжалуулугун баалашты.

Текшерүүнүн жыйынтыгында оң динамика, жүргүзүлүп жаткан реформалардын натыйжалуулугу жана ИКАО стандарттарынын сакталышы тастыкталганы белгиленди. Бул өлкөнүн авиация системасына болгон ишенимди жогорулатууга өбөлгө түзөт.