Бажы кызматынын төрагасынын мурдагы орун басары Райымбек Матраимовдун камакка алынышы боюнча Бишкек шаардык сотко апелляциялык арыз берилди. Бул тууралуу Reporter.kg’ге шаардык соттон билдиришти.

Белгилүү болгондой, 27-мартта Биринчи май райондук соту Матраимовдун бөгөт чарасын карап, тергөө аяктаганча 26-апрелге чейин камакка алган. Бул чечим боюнча Матраимовдун жактоочусу шаардык сотко апелляция таштаган. Соттук отурум 15-апрелге саат 13:50гө белгиленди.

Эскерте кетсек, Райымбек Матраимов УКМК тарабынан Азербайжандан 26-мартта Бишкекке алынып келген.

Матраимов Кылмыш-жаза кодексинин 169-беренеси (адамды эркиндигинен мыйзамсыз ажыратуу) жана 222-берене (кылмыштуу кирешелерди адалдоо) боюнча шектелүүдө.

УКМК Матраимовдордун кармалышы боюнча маалымат берди (видео)