.svg){kind=logo}
Путин Бишкектин түштүгүндө КРСУнун кампусун куруу боюнча макулдашууну ратификацияладыБаткен облусунда сел жүрдү: 149 адам эвакуацияланып, өзгөчө кырдаал режими киргизилди3-май: Өлкө аймагында жамгыр жаайт, айрым жерлерде катуу болушу күтүлөтКыргыз фондулук биржасында алгачкы ирет алтын сатылды — дээрлик 4 млн сомгоТрамп европалык жеңил жана жүк ташуучу унааларга 25 пайыздык бажы алымын киргизүүдөСадыр Жапаров ЖОЖдордо жана колледждерде окуу акысын жогорулатууга бир жылга тыюу салды
Россияда оодарылып кеткен кемеде иштеген кыргыз жараны табылбай жатат
31.10.2024 | 13:13
Россияда оодарылып кеткен кемеде иштеген кыргыз жараны табылбай жатат. Бул тууралуу бүгүн, 31-октябрда Жогорку Кеңештин жыйынында депутат Кундузбек Сулайманов билдирди.
Анын айтымында, окуя Сахалинде болгон. Кемедеги кыргызстандык Нурлан Кожомбердиев 46 жашта болгон.
Депутат бул маселени көзөмөлгө алуусу үчүн Россиядагы элчиликке тапшырма берүүнү суранды.
Россиялык ММКлар жазгандай, 18-октябрда Сахалиндин түштүк жээгинде кум-шагыл ташып бараткан “Григорий Ловцов” кемеси оодарылып кеткен. Кемеде 7 киши болгон. Алардын үчөө аман-эсен куткарылган. Экөө каза болгон. Калган адамдар табыла элек.
Айрым маалыматтар боюнча, кемеде 7 эмес, 13 киши болгон.
Рубрики: Жаңылыктар, Коом
