Кыргыз Республикасынын Президенти Садыр Жапаров жумушчу сапары менен Америка Кошмо Штаттарынын Юта штатына барды. Солт-Лейк-Сити шаарынын аэропортунан мамлекет башчысын Юта штатынын Сенатынын президенти Стюарт Адамс тосуп алды.

Сапардын алкагында Садыр Жапаров штаттын жетекчилиги менен жолугушууларды өткөрүп, туризм жана тоолорду туруктуу өнүктүрүү чөйрөсүндөгү америкалык тараптын тажрыйбасы менен таанышат.

Андан соң Садыр Жапаров Нью-Йорк шаарына жөнөп кетет. Ал жакта БУУнун Башкы Ассамблеясынын 81-сессиясынын Жогорку деңгээлдеги жумалыгынын жалпы дебаттарына катышат, ошондой эле мамлекет башчылары жана ири америкалык компаниялардын жетекчилери менен бир катар эки тараптуу жолугушууларды өткөрөт.