Президент Садыр Жапаров Азербайжанга жумушчу сапар менен барды. Президенттин учагы Габала шаарынын аэропортуна конду, ал жакта аны Азербайжандын илим жана билим берүү министри Эмин Амруллаев баштаган расмий топ тосуп алды.

Иш сапардын алкагында Жапаров Түрк мамлекеттер уюмунун мамлекет башчыларынын кезектеги саммитине катышат. Саммиттин жүрүшүндө аймактык жана эл аралык саясаттагы маанилүү маселелер каралып, Кыргызстандын ТМУдагы төрагалыгынын жыйынтыгы чыгат.

Жыйындын соңунда Габала декларациясына жана башка чечимдерге кол коюлат, бул Кыргызстандын аймактык интеграциядагы ролун чыңдоого багытталган.