Президент Садыр Жапаров ЕАЭБ өлкөлөрүнүн өкмөт башчыларын жана ЕЭК коллегиясынын төрагасын кабыл алды. Бул тууралуу Президенттик Администрация кабарлады.

Мамлекет башчы Кыргызстан үчүн ЕАЭБге мүчөлүк тышкы экономикалык ишмердүүлүктүн артыкчылыктуу багыты экенин белгилеп, биргелешкен долбоорлорду өнүктүрүү, инвестицияларды тартуу жана бизнес үчүн шарттарды жакшыртууга умтуларын айтты.

“Ошондой эле ал товарлардын, капиталдын, кызмат көрсөтүүлөрдүн жана жумушчу күчүнүн эркин жүрүшүнө тоскоолдуктарды жоюу, өнөр жай жана агроөнөр жай тармактарында кооперациялык долбоорлорду көбөйтүү зарылдыгын баса белгиледи”,-деп айтылат маалыматта.