Өлкө башчы Садыр Жапаров Фридрих Мерцти Германиянын Федералдык канцлери кызматына шайланышы менен куттуктады. Бул тууралуу президенттин маалымат кызматы билдирди.
«Сиздин мамлекеттик кызматтагы зор тажрыйбаңыз жана кесипкөйлүгүңүз Германияны мындан ары өнүктүрүүгө жана Федералдык Өкмөттүн алдында турган маселелерди ишке ашырууга жакшы өбөлгө болот деп терең ишенем.
Кыргыз Республикасы менен Германия Федеративдүү Республикасынын ортосундагы ар тараптуу кызматташтыкты өнүктүрүү максатында Сиз менен биргеликте иш алып барууга даяр экенимди билдирем.
Улуу Мартабалуу Сизге чың ден соолук жана жооптуу мамлекеттик ишмердүүлүгүңүзгө албан ийгиликтерди каалайм», — деген Садыр Жапаров куттуктоо телеграммасында.
