Президент Садыр Жапаров 11-13-ноябрда иш сапары менен Азербайжанга барат. Бул тууралуу президенттин администрациянын тышкы саясат бөлүмүнүн башчысы Муратбек Азымбакиев билдирди.
Садыр Жапаров БУУнун Климаттын өзгөрүүсү боюнча Алкактык Конвенциясынын тараптарынын 29-конференциясына катышат.
Бул конференциянын алкагында Кыргызстан, Азербайжан жана Монголия тарабынан “Жогорку деңгээлдеги диалог: Тоо күн тартибин илгерилетүү жана тоолор темасын жана климаттын өзгөрүшүн актуалдаштыруу” аттуу иш-чара уюштурулат.
Сапардын алкагында эки тараптуу жолугушуулар өткөрүлөт.
Белгилей кетсек, 11-ноябрда Садыр Жапаров Сауд Арабияга иш сапары мене барып, Ислам кызматташтык уюмунун кезексиз саммитине катышат.
