Бүгүн, 24-октябрда, президент Садыр Жапаров жана дүйнөлүк ири криптобиржа Binance платформасынын негиздөөчүсү Чанпэн Чжао «Ала-Арча» мамлекеттик жаратылыш паркына барганын президенттин басма сөз катчысы Аскат Алагөзов маалымдады.

Бейформал жолугушуунун жүрүшүндө тараптар санариптик технологиялар жана тажрыйба алмашуу жаатындагы кызматташтыкты талкуулашты.

Ошондой эле Кыргызстанда заманбап блокчейн чечимдерин киргизүү, эл аралык инвесторлорду тартуу жана өлкөнүн санариптик экономикасын өнүктүрүү маселелерине көңүл бурушту.

Президент Садыр Жапаров өлкө экономикасын санариптик трансформациялоо үчүн өнөктөштүк мамилелерди чыңдоо жана жогорку технологиялык долбоорлорду өнүктүрүүгө ыңгайлуу шарт түзүү маанилүү экенин белгиледи.