VI Дүйнөлүк көчмөндөр оюндарынын ачылыш аземи өтө турган «Бишкек Арена» стадионуна алып кирүүгө тыюу салынган буюмдардын тизмеси жарыяланды.

Ички иштер министрлигинин маалыматында, коопсуздукту камсыздоо үчүн стадиондун аймагына төмөнкү буюмдарды алып кирүүгө тыюу салынат:

• тамак-аш жана суусундуктар;
• тамеки, электрондук тамекилер, IQOS түзүлүштөрү жана насвай;
• сагыз;
• айнек бөтөлкөлөр, банкалар жана идиштер;
• баштыктар, рюкзактар жана чемодандар;
• курал-жарактар жана сайып-кесүүчү буюмдар;
• пиротехникалык каражаттар;
• аэрозолдук жана газ баллондору;
• дрондор;
• кесипкөй фото жана видеоаппаратуралар;
• радиостанциялар жана байланыш жабдуулары;
• музыкалык аспаптар, ышкырыктар жана мегафондор.

Ошондой эле стадионго кирүүдө көзөмөл жана текшерүү иштери жүргүзүлөт. Министрлик көрүүчүлөргө баштыктарын алдын ала текшерип, стадионго эрте келүүнү жана коопсуздук кызматкерлеринин талаптарын аткарууну сунуштайт.