Мамлекеттик салык кызматы көзөмөл-кассалык машиналарды сатып алууга тендер жарыялады. Бул тууралуу мамлекеттик сатып алуулар порталында маалымдалды.

Мамлекеттик салык кызматы каалаган банктардын бардык төлөм карталары боюнча накталай эмес төлөмдөрдү кабыл алуу функционалы менен жабдылган гибриддик контролдук-кассалык машиналарды (ПОС-терминал), кассалык аппаратты жана инвентаризациялоо тутумун сатып алууну көздөөдө. Жалпысынан 10 миң ККМ сатып алуу пландалууда.

Белгиленгендей, төрт айдын ичинде аппараттарды бөлүктөргө бөлүп жеткирүү пландалууда. Төлөм ар бир иш жүзүндө жеткирилгенден кийин жүргүзүлөт.