Ысык-Көл облусунда жергиликтүү тургун кармалды. Тинтүү учурунда милиция кызматкерлери курал жана жардыргыч затка окшош зат табышкан. Бул тууралуу аталган облустун ички иштер башкармалыгынын басма сөз кызматы билдирди.
«Милицияга кой короосунда мыйзамсыз ок атуучу куралдарды сактап жүргөн Сары-Камыш айылынын тургуну тууралуу маалымат түшкөн. Ысык-Көл РИИБнин кылмыш иликтөө бөлүмүнүн кызматкерлери издөө иштерин жүргүзүшкөн. Алардан бир жылмакай жана эки мылтык, 7,62 мм калибрдеги 16 ок, 5,45 мм калибрдеги 3 патрон, 9 мм калибрдеги бир ок жана жардыргыч затка окшош буюм табылган. Мылтык, ок, от алдыруучу капкактар да болгон», — деп айтылат маалыматта.
