Бишкек шаарынын Биринчи май районунун аймагында синтетикалык баңгизаттарды катып сатуу менен алектенген деп шектелип 26 жаштагы эркек киши кармалды. Бул тууралуу Бишкек шаардык ички иштер башкы башкармалыгы билдирди.

Шектүүнү текшерүү учурунда көк түстөгү таңгактарга салынган 57 даана түйдөкчө табылып алынган. Экспертизанын корутундусуна ылайык, алынган зат мефедрон баңги каражаты болуп чыкты. Анын жалпы салмагы 141,23 граммды түзгөн.

Аталган факт боюнча Кылмыш-жаза кодексинин 282-беренесинин (баңгизат каражаттарын мыйзамсыз жүгүртүү) негизинде кылмыш иши козголду.

Учурда окуянын жагдайларын жана баңгизат жүгүртүүгө тиешеси бар башка адамдарды аныктоо боюнча тергөө иштери жүргүзүлүп жатканы маалымдалды.