Ош облусунун Кара-Суу районунун Жоош айылында 28 миңден ашык мөөнөтү өтүп кеткен маркасы жок суусундуктар сакталган кампа аныкталды. Бул тууралуу Салык кызматы билдирди.

Маалыматта айтылгандай, кампадан 28 миң 8 даана 0,5 литр көлөмүндөгү акциздик маркасы жок продукциялар жана мөөнөтү өтүп кеткен алкоголсуз сергитүүчү (энергетик) суусундуктар табылган. Алардын жалпы суммасы 1 млн 340 миң 826 сомду түзгөн.

Аталган факты боюнча жеринде акты түзүлүп, юридикалык баа берүү үчүн укук коргоо органдарына жөнөтүлгөн.