Азамат Юсупов Дин иштери жана этностор аралык мамилелер боюнча улуттук агенттиктин төрагасы болуп дайындалды. Тиешелүү чечимге Садыр Жапаров кол койду. Бул тууралуу президенттин басма сөз кызматы маалымдады.

39 жаштагы Азамат Юсупов 2024-жылдын август айынан бери Дин иштери боюнча мамлекеттик комиссиянын директору болуп келген.

Эске салсак, Садыр Жапаровдун жарлыгы менен аталган комиссия Дин иштери жана этностор аралык мамилелер боюнча улуттук агенттик болуп кайра түзүлгөн.