Сасык тумоо жана курч респиратордук вирустук инфекциялардын (КРВИ) күч алышына байланыштуу өлкө аймагында 207 мектеп онлайн окууга өттү. Бул тууралуу Агартуу министрлиги билдирди.

Ошондой эле 214 бала бакча убактылуу карантинге жабылды.

Министрлик балдардын абалына Саламаттык сактоо министрлиги, Санитардык-эпидемиологиялык көзөмөл департаменти менен биргеликте тыкыр көзөмөл жүргүзүлүп жатканын билдирди.

Акыркы маалыматтарга ылайык, өлкө боюнча ооругандардын саны расмий түрдө 36 миңдей учурга жеткен, алардын 70%дан ашыгы — 14 жашка чейинки балдар.